ll-10Capture.JPG

LEGGUR 10: HELGASKÁLI - SPRENGISANDSLEIÐ 33,1KM

Leiðin hefst við Helgaskála niður í móti að Háafossi og endar á þjóðveginum handan Þórsár þar sem Sprengisandsleið hefst.

 

LEIÐARLÝSING

VEGALENGD

33,1 km

HÆKKUN/LÆKKUN

546/720 m

UNDIRLAG

Möl og malbik

LEIÐIN

Þessi hluti langleiðarinnar er mestmegnis eftir línuveginum, grófum malarvegi með nokkrum ám sem þarf að vaða, þarf af einni með grófum botni. Seinasti hluti leiðarinnar er á malbiki.

TRAKK

NÁNARI LÝSING

Hlaupið er af stað frá Helgafellsskála mestmegnis eftir þokkalegum línuvegi með einstaka reiðleiðarútidúrum. Vaða þarf nokkra læki og tvær þokkalegar ár, Stóru-Laxá og Fossá sem getur náð manni upp að lærum þótt hún sé ekki mjög straumhörð á þessu vaði. Fossá er grýtt og ójöfn í undirlagi en mis vatnsmikil eftir árstíma. Fyrstu 11km er örlítil hækkun en síðan tekur að halla niður í móti það sem eftir lifir leggs. Eftir rétt rúma 19km er komið að gatnamótunum að Háafossi. Þar er tekinn smá vegis útursnúningur til þess að skoða fossinn. Farið er til baka að línuveginum og farið eftir góðum malarvegi dágóðan spöl. Í stað þess að fylgja veginum ofan í Hólaskóg er Línuveginum fylgt alveg niðureftir að Sultartangavirkjun og komið niður á þjóðveginn við Þjórsá. Síðustu 3km eru meðfram malbiki á þjóðveginum en leggurinn endar á gatnamótunum þar sem Þjórsárdalsvegur endar og Sprengisandsleið byrjar.

TIL ATHUGUNAR

Þessi leggur er frekar látlaus og liggur mestmegnis eftir þokkalegum malarslóðum en ekki hægt að komast þurrum fótum. Fossá er farartálmi fyrir aðra en upphækkaða bíla og því auðfarnara að koma að Helgaskála vestan megin.

MYNDASÖFN

FERÐASÖGUR

 
20210814_151644.jpg