Langleiðin 12: Versalir  - Kistualda 33km

Leggurinn hefst við skálann í Versölum. Farið er eftir fáförnum slóða frá skálanum yfir á veituveginn að Kvíslavatni. Vegurinn er mjög sléttur og liggur í löngum sveigjum oft svo langt sem augað eygir út í eilífðina. Fyrsti kaflinn liggur fram hjá Stóraverslóni. Þar er stuttur kafli sem farið er af veginum niður að lóninu. Lítil stytting en smá tilbreyting að komast niður að vatninu. Eftir það er leiðin frekar einsleit stærsta hluta leiðarinnar upp yfir Kvíslarvatn. Komið er að Svartárstíflu en vegurinn skiptist á að vera á löngum malaröldum eða á upphækkuðum veitubökkum. Helsta nýbreyttnin er við Þúfuversrstíflu þar sem hár varnargarður gefur maður sýn niður í Þúfuver. Við norður mörk Kvíslavatns er beygt til hægri í átt að Sprengisandsleið. Farið er yfir brú yfir veituskurð og tekur við nokkur hækkun síðustu kílómetrana. Þá verður landslagið örlítið fjölbreyttara og fjallasýnin fyrir norða byrjar að taka á sig mynd. Eftir örlítinn krók kringum Kistuöldu er komið inn á Sprengisandsleið og slóðanum fylgt upp á Kistöldu sjálfa. Þaðan er hægt að sjá alla dagleiðina og átta sig á hvílíkt gímald Kvíslatn er, vatnið sem ætlar aldrei að enda.